abbas.nojoumarab.net

abbas.nojoumarab.net


 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبا بكم في منتديات جروح احساسي التي توفر لكم البيئه المناسبه للتعارف والتواصل فمرحبا بكم.ولمزيد من المعلومات أو اية شكاوي راسلونا على البريد الالكتروني التالي:abbas_ashkeygnoon@ymail.com

شاطر | 
 

 ابوذيات يوكعن على الجرح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
مدير المنتدى
مدير المنتدى
avatar

الجنس : ذكر الابراج الابراج : العقرب عدد المساهمات : 52
نقاط : 3645
السٌّمعَة : 0
تاريخ التسجيل : 10/09/2010
العمر : 26
الموقع : http://abbas.nojoumarab.net/
العمل/الترفيه : طالب جامعي
المزاج : هادى

مُساهمةموضوع: ابوذيات يوكعن على الجرح   الجمعة ديسمبر 10, 2010 4:51 am

الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه


ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه


رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه

الى اعز اناس الى قلبي ...



يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه



عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه



نبينة
اخذ درسك ..تعلم .. من نبينة
وشارت سادة صارت منة بينة
تهنة بوصفة احنة .. من نبينة
لان شمس وكمر طبكن سوية




بغـــــــــداد
أبد بغداد ما سقطت هوانة"
ودمنة السحب نازفتة هوانة"
آنة مو آنة العراقي هوآنة"
الشلت مگوار والفالة عشية
تحياتي...



مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية



سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه



اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية



أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية










وحك من طلكت امي ونخيت بسماه
سنه ماضحك وماشفت بســـمه
من شفت الشماته اطير بسماه
عبت جنحي وكتله الصوج بيه


بغيابك عكلي تك صاحي وجن تك
بسبب لني افكدت نارك وجنتك
اشعليك ايصير اذا ابوسن وجنتك
ويجي يوم القيامه وذبها بيه


تفسر لغز حبك والله حالة
وصدك بين ودادك والله حالة
احب حالة بغرامك والله حالة
من اخزرك تفتهمني وترخة لية


عليك عيون مو دم هم هملنا
وهجرك زاد كلش هم هم النا
فوك الضيم كلبك هم هملنا
صفينا بلا محب شنهو القضيه


بالحر والصحابه أقسمت مع جون
گلبي ويالهموم العليّ معجون
طماطه شفافچ الحلوات ...معجون؟
الزمتهن صارت الحمره بديه


أحملت غصبن عليه جور أبيها
ودنيتي شكثر شايف جور بيها
الباري بشفته خلّه جوري بيها
لأن كلما اشمها تفوح هيه


اسالك عن وداد اعجزت لومال
اسالك امنعت عنك نفس لومال
تكول انه الاعدل الحمل لومال
بعد ما مال حملي وخنت بيه


جاري الاتصال وياك جاري
يمن حبك نهر بالروح جاري
وين الله وبيوم تكون جاري
احني الحايط والباب واديه
الرجوع الى أعلى الصفحة اذهب الى الأسفل
http://abbas.nojoumarab.net
 
ابوذيات يوكعن على الجرح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
abbas.nojoumarab.net :: قسم الشعر :: فرع الابوذيات-
انتقل الى: